Hobleye!
Üsi Mais-Reis staht scho zmitzt i de zweite Rundi und de erscht Uftritt vom Jahr 2012 darf i positiver Erinnerig bliibe. Wie immer isch scho viel geuggled, umegjanzed und chläberet worde… bsunders a de neongrüene Chläber dörfti wohl kei Fasnächtler, wo üs begägnet isch, verbii cho sii. 
Mit em Folgemotto für d’Fasi 2012, “Pop im Cornfeld”, simmer wieder i de ganze Innerschwiiz & wiiter unterwägs. Natürli freued mer eus immer, s’einte oder andere bekannte Gsicht a üsne Uftritt chönne z’begrüesse. Wo mer no überall spieled findsch du uf em Toureplan für 2012.
Wie jedes Jahr startet mer z’Chom mit de
FASIERÖFFNIG `12 – am Friitig, 27. Januar 2012
id Fasnacht 2012. Punkt 19:30 startet mer s’Monschterkonzärt uf em Gmeindshuusplatz.
Aschlüssend bieted mer i diverse Lokalitäte Drinks und Food a.
Spöter, gnauer am Fasi-Samschtig, dörfed mer euch scho wieder als Gäscht begrüesse: Am Müüürig `12 rocked mer mit diverse Gaschtguggene, Live-Band und DJ de Lorzesaal in Chom.
MÜÜÜRIG `12 – Fasi-Samschtig, 18. Februar 2012
Herzallerliebst,
Gugge Holdriofäger